बेंबी जवळ दुखणे उपाय?

प्रेग्नेंसीत 'या | कारणामुळे होतात बेंबीमध्ये वेदना, जाणून घ्या रामबाण उपाय!

बहुतांश वेळा महिलांना प्रेग्नेंसीमध्ये बेंबीत तीव्र किंवा हलक्याश्या वेदना जाणवतात. पण यामागे नेमकं कारण काय हे त्यांना समजतच नाही. तुम्हालाही ही समस्या भेडसावत असेल तर जाणून घ्या कारणे व उपाय!

reason behind pain in belly button during pregnancy in marathi
प्रेग्नेंसीत 'या | कारणामुळे होतात बेंबीमध्ये वेदना, जाणून घ्या रामबाण उपाय!

दररोज कपिवाचा गेट स्लिम ज्यूस प्या आणि नैसर्गिक पद्धतीने वजन कमी करा

गरोदरपणाचा काळ म्हणजे समस्यांचा काळ होय. या काळात इतके शारीरिक बदल होतात की त्यातून अनेक समस्या निर्माण होतात. त्यापैकी शारीरिक वेदना सर्वाधिक होतात. गरोदरपणाचा काळ सुरु झाल्यावर शरीराचे विविध अवयव दुखू लागतात. अशाच वेदना होतात बेंबी जवळ! अनेक स्त्रियांना गरोदरपणात हा त्रास जाणवतो आणि त्यामुळे भीती वाटणे सुद्धा साहजिकच आहे. पण खरंच ही समस्या मोठी आहे का? यामुळे घाबरून जायला हवं का?


कोणत्या कारणामुळे गरोदरपणात बेंबी जवळ वेदना (home remedies for prenancy belly button pain) होतात? त्यावर उपाय काय? या आणि अशा अनेक प्रश्नांची उत्तरे आज आपण या खास लेखातून जाणून घेऊया. या बद्दल समाजमनात अनेक गैरसमज सुद्धा आहेत आणि कधी कधी चुकीच्या सल्ल्यामुळे त्यावर चुकीचे उपचार सुद्धा करून घेतले जातात. या लेखातील माहितीमुळे मोठ्या प्रमाणात चुकीचे गैरसमज दूर होतील आणि स्त्रिया निश्चिंत होऊन या समस्येचा सामना करू शकतील.
बेंबीमध्ये का दुखते?

गर्भाशायावर दबाव पडल्याने गरोदरपणात बेंबीमध्ये वेदना सुरु होतात. जस जसा अर्भकाचा आकार वाढत जातो तस तसा स्त्रीच्या शरीरातील विविध अंगावरचा दबाव सुद्धा वाढतो. जसे की गरोदरपणाच्या पहिल्या तिमाहीमध्ये पोटावर हलका दबाव पडतो आणि दुसऱ्या तिमाहीमध्ये गर्भाशय हे बेंबी आणि स्तनांच्या मध्ये पसरू लागते आणि गरोदरपणाच्या तिसऱ्या तिमाहीमध्ये बेंबी वर दबाव पडायला सुरुवात होते. जाणकारांच्या मते अर्भकाच्या वाढत्या आकाराच्या कारणामुळे स्त्रीच्या बेंबी मध्ये वेदना, खाज यांसारख्या समस्या उत्पन्न होतात.


दबावामुळे वेदना होतात

गरोदरपणामुळे स्त्रीच्या संपूर्ण शरीरावर मोठा दबाव पडतो यामुळे तिच्या शरीरावर खूप ताण येतो. विशेष करून हा ताण पोटाच्या आसपास असणारे स्नायू आणि त्वचा यांच्यावर पडतो. हा ताण सुद्धा बेंबी मधील वेदनेला कारणीभूत ठरू शकतो. गरोदरपणात जेव्हा अर्भक हालचाल करतो तेव्हा सुद्धा बेंबी मध्ये वदना होऊ शकतात. सामन्यत: या वेदना केवळ आणि केवळ शारीरिक बदलांमुळेच होतात. हा कोणताही आजार नाही किंवा यामुळे मोठी गंभीर समस्याही उद्भवणार नाही. पण होणाऱ्या वेदना या खरंच तीव्र असू शकतात. कारण बेंबी हा एक संवेदनशील अवयव आहे.


हर्निया

हर्निया सुद्धा बेंबी मधील वेदनेला कारणीभूत ठरू शकते. हर्निया हा शब्द ऐकायला एकदम भयानक वगैरे वाटत असला तरी तेवढे घाबरण्याचे कारण नाही. कारण हर्निया मुळे गरोदर स्त्री वा अर्भकाला विशेष नुकसान पोहचत नाही. गर्भाशयावरच्या दबावामुळे देखील हर्निया होऊ शकतो. जोवर काही गंभीर लक्षणे दिसत नाहीत वा परिस्थिती हाताबाहेर गेल्याचे वाटत नाही तोवर डॉक्टर हर्नियाचे ऑपरेशन करत नाही आणि क्वचितच असा प्रसंग घडतो. या ऑपरेशनमुळे गरोदर स्त्री आणि गर्भात वाढणारे अर्भक दोघांना धोका निर्माण होऊ शकतो. हेच कारण आहे की गरोदरपणात जास्तीत जास्त काळजी घ्यावी आणि डॉक्टरांच्या सल्ल्याशिवाय उपचार करू नयेत.


यावर उपाय काय?

गरोदरपणात अनेक घटक महत्वाचे असतात. यापैकी एक घटक आहे तो म्हणजे झोपण्याची दिशा! जर तुमच्या बेंबी मध्ये वेदना होत असतील तर कोणत्या तरी एका दिशेला म्हणजे उजव्या किंवा डाव्या कुशीवरच झोपा. बेंबीला सपोर्ट देण्यासाठी उशीचा वापर करा. बाजारात मेटरनल सपोर्ट बेल्ट उपलब्ध आहे. हा बेल्ट उभे राहताना कंबर आणि पोटाला आराम पोहोचवतो. हा बेल्ट अनेक स्त्रियांना आरामदायी ठरतो पण प्रत्येक स्त्रीसाठी उपयुक्त ठरेल असेही नाही. गरोदरपणात बेंबीमध्ये खाज आणि जळजळ मोठ्या प्रमाणावर होते. अशावेळी सामान्यत: स्त्री स्वत:वर नियंत्रण ठेवू शकत नाही आणी अधिक खाजवत राहते. मात्र असे अजिबात करू नये. यामुळे बाळाला नुकसान पोहचू शकते. ही खाज आणि जळजळ कमी करण्यासाठी लोशन आणि तेलाचा वापर करा.


घरगुती उपचार

या समस्येवर काही घरगुती उपचार आहेत का ते आपण जाणून घेऊया. गरोदर स्त्री अशावेळी कोको बटरचा वापर करू शकते. कोको बटर खाज कमी करण्यास मदत करतो. बेंबीच्या वेदनेपासून सुटका मिळवण्यासाठी सैल कपडे परिधान करा. सैल कपडे परिधान केल्याने खाज आणि जळजळ मोठ्या प्रमाणावर कमी होते/ याशिवाय चांगले आणि सुती कपडेच वापरा. यामुळे तुम्हाला आराम मिळू शकतो. बेंबीमध्ये घर्षण झाल्याने तुम्ही टी-ट्री तेलाचा सुद्धा वापर करू शकता. हे एंटीसेप्टिक सारखे काम करते. कॅले,माईन लोशन खाजेवर रामबाण ठरते. बेंबीवर होत असलेली खाज कमी करण्यासाठी याचा वापर अवश्य करा.